2015 йилнинг январь-август ойларида Mercedes-Benz автомобилсозлик компанияси 1,19 млн дона, яъни ўзининг рақиби Audi компаниясига нисбатан 10,9 минг дона кўпроқ автомобиль сотди. Бу ҳақда Bloomberg агентлиги маълум қилди.

Шу тариқа, 8 ой натижаларига кўра Mercedes автобозорнинг люкс сегментидаги савдолар бўйича 2-ўринга кўтарилиб олди ва фақатгина 1,21 млн машина сотган BMW’дан ортда қолмоқда. Йиллик савдолар ҳажми бўйича Mercedes охирги марта Audi’дан 2010 йилда ўзиб кетган эди.

Экспертларнинг фикрича, Mercedes ўз савдоларини биринчи навбатда С-синфидаги седан ва йўнтанламаслар ҳисобига ошира олди. Шунингдек, бу муваффақиятга Хитой бозоридаги юқори кўрсаткичлар ҳам ёрдам берди. Mercedes’нинг бу бозордаги савдолари Audi ва ВWM’дан фарқли ўлароқ, йил бошидан ошди.