Лионель Месси ўзининг бугун дунёга келган иккинчи фарзандига Бенжамин исмини қўйиши ҳақидаги хабар ўз тасдиғини топмади.

Мессининг акаси Матиас томонидан маълум қилинишича, чақалоққа Матео исми қўйилган.

Месси бугун «Барселона»нинг машғулотида иштирок эта олмади. У кун бўйи турмуш ўртоғи Антонелланинг ёнида бўлди.

Футболчи эртага жамоа билан Испания Ла лигасининг 3-тури доирасида бўлиб ўтадиган «Атлетико»га қарши ўйин учун Мадридга йўл олади.