Россия Ташқи ишлар вазирлиги Литвадаги камсонли миллатлардан бўлган поляклардан хавотирда эканини билдирди.

“Ҳуқуқ ҳимоячилари Литва ҳукумати томонидан кўрилаётган мазкур мамлакатдаги поляк миллий озчилиги режа асосида йўқ қилиш чораларидан хавотирда”, – деди ТИВнинг инсон ҳуқуқлари бўйича вакили Константин Долгов Твиттер ижтимоий тармоғи орқали.

Долговнинг сўзларига кўра, таълим тўғрисидаги Литва қонуни полякларнинг “литваланиш”га мажбур қилади. Вазирлик позициясига кўра, бу ҳолат “Болтиқбўйи мамлакатида миллий озчиликни ташкил этувчи халқлар ҳуқуқларини таъминлашда қониқарсиз вазият” мавжуд эканини кўрсатади.

Эслатиб ўтамиз, 2015 йилнинг 3 сентябрь куни Литвадаги поляк мактабларида таълим тизимида тенглик бўлишини талаб қилиб, оммавий иш ташлаш эълон қилинган эди.

Маълумот ўрнида, Литвада поляк тилида сўзлашувчилар аҳолининг 8 фоиздан ортиғини ташкил этиб, 2001 йилги маълумотда улар сони 212 минг нафардан ортиқ экани қайд этилган.