АҚШнинг Нью-Йорк шаҳрида 14 йил муқаддам содир этилган теракт қурбонларини хотирлаш маросими ўтказилди. Бу маросим жонли равишда АВС телеканали орқали эфирга узатилган.

Ушбу маросим 2001 йилнинг 11 сентябрида теракт туфайли вайрон бўлган Жаҳон савдо марказининг эгизак бинолари ўрнида бўлиб ўтди.

Маросимда марҳумларнинг яқинлари (марҳумларнинг суратларини кўтарган ҳолда) ва шаҳар аҳолиси вакиллари иштирок этишиб, зиёратгоҳга гуллар қўйишди.

Эслатиб ўтамиз, бундан роппа-роса 14 йил муқаддам — 2001 йилнинг 11 сентябрь куни маҳаллий вақт билан соат 08:46да экстремистлар томонидан олиб қочилган самолётлардан бири Нью-Йорк шаҳридаги Жаҳон савдо марказининг Шимолий минорасига бориб урилган эди.

Шу куни АҚШ мудофаа вазирлигининг қароргоҳи ҳам террорчиларнинг нишонларидан бирига айланганди.
Қўпорувчилик ҳаракатлари натижасида 2974 киши (террорчилардан ташқари) ҳалок бўлган, 24 нафари бедарак йўқолган.

Ушбу фожиада АҚШ ва яна 91 та мамлакат фуқаролари ҳалок бўлган.

Ҳодиса талофатлари тасвирланган суратларни ушбу линк орқали томоша қилиш мумкин.