“Краснодар” ярим ҳимоячиси Одил Аҳмедов Ўзбекистон терма жамоасининг 2018 йилги жаҳон чемпионати саралаш учрашувида Филиппинга қарши кечган баҳснинг илк дақиқасида киритган тезкор голига изоҳ берди.

“Мен бундай вақтда голни биринчи маротаба урдим. Биз илк сониялардан бошлаб рақибга юқори прессинг қилдик. Рақиб майдонида тўпни улардан олиб қўйдик, сўнгра тўпни мен қабул қилиб олдим ва зарба беришга қарор қилдим. Дарвозабон буни кутмагани сабабли биз ҳисобда олдинга ўтиб олдик. Учрашувдан сўнг менга Ўзбекистон терма жамоаси тарихидаги энг тезкор голни урганимни айтишди”, – деди Одил Аҳмедов.

Шунингдек, футболчи ўзининг терма жамоа сардори бўлганлигига изоҳ берди.

“Аввал мен иккинчи сардор эдим. Бироқ яқинда терма жамоамиз янги мураббий қўл остида ишлай бошлади ва у жамоа сардори сайловини ўтказишга қарор қилди. Йигитлар менга овоз бериб, менга нисбатан ишонч билдиришди. Энди уларнинг ишончини оқлашга ҳаракат қиламан”, – Ўзбекистон терма жамоаси аъзоси.