Ўзбекистон Фанлар Академияси М. Т. Ўрозбоев номидаги механика ва иншоотлар сейсмик мустаҳкамлиги институти ходимлари вертикал шпинделли пахта терувчи аппарат ишлаб чиқишди.

Таклиф қилинган аппаратни қишлоқ хўжалиги машинасозлигида қўллаш мумкин. Унинг вазифаси юқори агротехник кўрсаткичларга эга самарадор пахта теришни йўлга қўйишдир.
Ўзбекистон интеллектуал мулк агентлигининг маълум қилишича, муаллифлар бу қурилмани патенлаш учун IAP 2014 0076 рақамли мурожаатнома йўллаган.

Эслатиб ўтамиз, 2012 йилдан Ўзбекистоннинг айрим корхоналарида пахта териш машиналари ишлаб чиқарила бошланган эди.