Россия президенти Владимир Путин ва Италиянинг собиқ бош вазири Сильвио Берлускони Ялта соҳилбўйи бўйлаб сайр қилдилар, деб хабар бермоқда РИА “Новости” ахборот агентлиги. Сайр пайтида улар дам олувчилар билан суҳбатлашдилар. 

Соҳилбўйидаги одамлар Путинни қарсаклар билан олқишладилар.
Дам олаётганлардан бири Путинга Ялта боғларини ҳимоя қилиш тадбирига қўшилишни илтимос қилиб мурожаат қилди.

“Яхши, мен албатта қўшиламан”, деб ваъда берди Россия президенти. Аввалроқ Путин ва Берлускони Гасфорт тоғи яқинидаги, Қрим урушида ҳалок бўлган Сардиния қироллиги аскарлари хотира ёдгорлигига гуллар қўйишгани маълум қилинган эди.

Эслатиб ўтамиз, Сильвио Берлускони Россияга хусусий ташриф билан келди.