Рим шаҳри Халқаро олимпия қўмитасига 2024 йилги ёзги Олимпиадани ўзида қабул қилиш мақсадида расмий ариза жўнатди.

АР нашрида хабар қилинишича, ушбу ариза 11 сентябрь куни Рим шаҳри мэри Иньяцио Марино, ташкилий қўмита бошлиғи Лука ди Монтедземоло ва Италия Миллий олимпия қўмитаси президенти Жованни Малаго томонидан имзоланган.

Ўтган ҳафтада Олимпиада-2024 мезбонлиги учун Германиянинг Гамбург шаҳри ҳам даъвогарлик қилиши маълум бўлганди.

Бундан ташқари, 2024 йилги ёзги олимпиадани ўзида ўтказиш истаги билан Париж, Торонто, Лос-Анжелес ва Будапешт шаҳарлари ҳам мурожаат қилишган.

2024 йилги ёзги Олимпия ўйинларини ўтказиш учун номзодларнинг якуний рўйхати 2015 йилнинг 15 сентябрида маълум қилинади, мезбон давлат номи эса 2017 йилда эълон қилинади.