Россиянинг Воронеж вилоятида Ўзбекистон ва Тожикистон фуқаролари жами 4 кг. гиёҳвандлик моддаси (героин) билан қўлга тушди. Бу ҳақда гиёҳвандлик моддалар айланмасини назорат қилиш федерал бошқармасининг Воронеж вилояти бўлими матбуот хизмати хабар тарқатди.

Манбанинг ёзишича, 36 ёшли Тожикистон фуқароси 28 дона елим идишга солинган 1,3 кг миқдоридаги героин моддаси билан, Лиска шаҳрида яшаб келган 22 ёшли Ўзбекистон фуқароси эса 500 гр. героин моддаси билан қўлга тушган.

Шунингдек, яна икки нафар Ўзбекистон фуқаролари Нововоронеж шаҳрида тахминан 2,5 кг героин моддасини сотиш жараёнида қўлга олинган.

Айбланувчилар 15 йил муддатгача қамоқ жазосига ҳукм қилиниши кутилмоқда.