Туркманистон президенти Гурбангули Бердимуҳамедов мамлакат оқсоқоллари кенгашида конституциянинг янги таҳрири лойиҳасига алоҳида урғу берди.

Асосий қонунга ўзгартиш ва қўшимчалар киритиш ҳақидаги қарор ўтган йилнинг май ойида қабул қилинган эди. Шу мақсадда конституцион комиссия яратилиб, келаётган таклифларнинг парламент томонидан ўрганилиши таъминланган эди.
Айтилишича, конституциянинг янги лойиҳасида унинг структураси бутунлай қайта кўриб чиқилган. Хусусан, Бердимуҳамедовнинг таклифи билан биринчи бўлимга мамлакат суверенитети асосларини ҳимоя қилиш ҳақидаги моддалар киритилди.

Конституция лойиҳаси муҳокама учун ОАВда чоп этилади. Шу асосда келиб тушган янги таклифлар ёрдамида лойиҳа такомиллаштирилиб, Мажлис муҳокамасига киритилади ва 2016 йили оқсоқоллар кенгашида қабул қилинади.