Украина хавфсизлик хизмати (УХХ) Бош ҳарбий прокуратура билан биргаликда Украина ички ишлар вазири Арсен Аваковга уюштирилиши режалаштирилган суиқасднинг олдини олди, деб маълум қилинмоқда УХХ хабарида. 

“УХХ Бош ҳарбий прокуратура билан биргаликда Украина ички ишлар вазири ҳамда Киев ва Харьковдаги бошқа бир қатор буюртма қотилликларнинг олдини олди”, дейилмоқда хабарда.

Маълум қилинишича, махсус операция натижасида ҳуқуқ-тартибот муассасалари ходимлари Украина милициясининг юқори лавозимли мансабдор шахслари, мамлакат парламенти депутати, кўнгиллар ва тадбиркорларга суиқасд қилишни режалаштирган жиноий гуруҳни фош этди.

Харьковда гуруҳ ташкилотчиларидан бири – “Слобожанщина” батальони бошлиғи ҳибсга олинган. Айни пайтда жиноий иш доирасида тергов ҳаракатлари давом этмоқда. Қўлга олинганнинг гуруҳи жойлашган жойлар ва унинг истиқомат қиладиган жойида тинтувлар ўткзилмоқда.