АҚШ Қуролли кучлари штаблари бошлиқлари қўмитаси раиси генерал Мартин Демпси НАТО ўзининг бор эътиборини “альянс олдида турган иккита муаммо” – Россия ва “ИШИД” террорчилик гуруҳига мужассамлаштира олишини маълум қилди. У бу ҳақда Пентагон матбуот хизматида айтиб ўтди.

“НАТОда бир вақтнинг ўзида альянс олдида турган иккита муаммо – Россия ва “ИШИД”га қарши эътиборни мужассамлаштира олиш имконияти мавжуд. Россия ҳарбий салоҳиятидан фойдалана олди ва агар унда альянсга зиён етказиш истаги бўлганда, унда у буни амалга оширишга қодир бўларди. НАТО иккала муаммо билан бир вақтда иш кўра оладиган етарлича катта, етарлича таъсирга эга ва етарлича барқарор ташкилотдир”, деб айтмоқда Демпси.

Бироқ шунга қарамай, Демпсининг айтишича, ҳозирда НАТО “эътиборини маълум муддат бир муаммога қаратиб, кейин бошқасига яна муайян муддатга эътиборини қаратмоқда”.

“Биз иккала хавфни ҳам узоқ вақт давомида кузата олишимиз керак”, деб айтди ҳозирда Туркияда бўлган генерал.