Бугун Германия чемпионати доирасида 4-тур ўйинлари давом ўтказилди. Турнир жадвалида 3-турда 9тадан очко жамғариб, қўшҳокимлик ўрнатган "Боруссия" ва "Бавария" жамоалари бу турда ҳам ўз ўйинларида ғалаба қилишди.

"Боруссия" "Ганновер 96" жамоаси майдонига сафар қилди ва 4:2 ҳисобида устун келди. Бу ғалабадан кейин дортмундликлар 12 очко билан биринчи ўринни сақлаб қолди.

Ганновер 96 – Боруссия Д 2:4 (1:2, 1:2)
Голлар: 1:0 – 18 Собех, 1:1 – 35, пенальти Обамеянг, 1:2 – 44 Мхитарян, 2:2 – 53 Собех, 2:3 – 67, автогол Тревизан, 2:4 – 85, пенальти Обамеянг.
Огоҳлантиришлар: Хуммельс (56), Тревизан (84), Цилер (85), Сане (90).

"Бавария" эса ўз уйида "Аугсбург"ни қабул қилди ва иродали ғалабани қайд этди. Аввалига меҳмонлар вакили Эссвайн ҳисобни очди. Иккинчи таймда Левандовски ва Мюллер томонидан киритилган тўплар мюнхенликларнинг ғалабасини таъминлади. "Бавария"да ҳам эндиликда 12 очко бор. Жамоа фақат тўплар нисбатига кўра "Боруссия"дан кейинги ўринда жойлашган.

Бавария – Аугсбург 2:1
Голлар: 0:1 – 43 Эссвайн, 1:1 – 77 Левандовски, 2:1 – 90, пенальти Мюллер.
Огоҳлантиришлар: Верхаг (89).

"Вольфсбург" эса сафарда "Ингольштадт-04" жамоасини мағлуб эта олмади. Ўйинда ҳисоб очилмади. шунга қарамасдан жамоа 8 очко билан 3чи ўринга жойлашган.

Ингольштадт-04 – Вольфсбург 0:0
Огоҳлантиришлар: Гилавоги (26), Моралес (35), Луис Густаво (79), Левельс (83), Дракслер (83).

"Байер" ўз майдонида "Дармштадт"дан 0:1 ҳисобида мағлуб бўлди, "Герта" эса "Штутгарт"ни 2:1 ҳисобида енгди.

Байер – Дармштадт 0:1
Гол: 0:1 – 8 Сулу.
Огоҳлантиришлар: Пападопулос (35), Венделл (41), Матения (68), Бельараби (90).

Герта – Штутгарт 2:1
Голлар: 1:0 – 14 Харагути, 1:1 – 36 Шуньич, 2:1 – 45 Лустенбергер.
Огоҳлантиришлар: Диэ (45), Костич (58), Дидави (60).