Россия бош вазири Дмитрий Медведев ҳаж пайтида Маккадаги “Ал-Ҳаром” масжиди устига кран қулаб тушиши оқибатида кўплаб зиёратчиларнинг умрига зомин бўлган фожиа юзасидан Саудия Арабистони валиаҳд шаҳзодаси Муҳаммад ибн Найаф ибн Абдулазиз ал-Саудга ҳамдардлик билдирди, деб айтилмоқда Россия Вазирлар Маҳкамасининг расмий сайтида.

“Россия Федерацияси ҳукумати ва шахсан ўзимнинг номимдан Маккадаги Катта масжиддаги фожиа юзасидан ҳамдардлик билдираман. Биз мусулмонлар учун муқаддас бўлган ҳаж пайтида зиёратчиларнинг ўлими олиб келган қайғу-ҳасратни бирга бўлишамиз”, дейилмоқда хабарда.

Медведев, шунингдек, қурбонлар яқинлари ва оилаларига ўз ҳамдардлигини билдирди ҳамда жароҳат олганларга тез фурсатда тузалиб кетишларини тилаб қолди.