16 сентябрда ўзининг 70 ёшлигини нишонлайдиган россиялик таниқли кулгу устаси Евгений Петросян Ўзбекистондаги қамоқхонада ўзини йўқотиб қўймагани эсланди.

Бу воқеа Петросян 1981 йилда ёзда Ўзбекистонда гастроль сафари уюштирган пайтда юз берган.

“Самарқанддан Учқудуққа йўлда уддабурон маҳаллий маъмур Петросянни қамоқхонага концерт бергани олиб борган. Петросян концерт бера туриб, унда маҳбуслар русчани тушунмаётгандек ҳис пайдо бўла бошлади. Артист ўзини йўқотиб қўймай, пантомима кўрсатишга ўтиб кетган! Концерт катта муваффақият билан ўтган”, деб таъкидланмоқда “Т7-Информ” интернет-лойиҳасида.