Россия президенти Владимир Путин америкалик боксёр кичик Рой Жонсга Россия фуқаролигини берди. Кремль сайтида қарор матни эълон қилинди.

“Россия Федерацияси Конституциясининг 89-моддаси “а” бандига биноан:
1969 йил 16 январда Америка Қўшма Штатларида туғилган Жонс кичик Рой Левестанинг Россия Федерацияси фуқаролигини қабул қилиш тўғрисидаги аризаси қондирилсин”, – дейилади қарорда.

Эслатиб ўтамиз, собиқ жаҳон чемпиони Рой Жонс Россияда унинг ривожланиши учун кўпроқ имкониятлар мавжуд эканини маълум қилган эди.