Озарбайжон пойтахти Боку шаҳрида шахмат бўйича Жаҳон кубоги старт олди. Дунёнинг кучли 128 нафар шахматчиси дона сураётган йилнинг ушбу нуфузли мусобақаси олимпия тизимида ўтказилиб, ҳар бир босқичдан сўнг мағлубиятга учраган иштирокчи турнирни тарк этди. 

Жаҳон кубогида 35-рақам остида таснифланган 17-жаҳон чемпиони Рустам Қосимжонов 1/64 финал босқичида канадалик Алексей Ковалев билан учрашди. Рейтингда рақибидан анча юқорида туришига қарамай, ҳамюртимиз бу партияда дуранг билан чекланди. Бугун шахматчилар яна бир бор тўқнаш келишади.

Эслатиб ўтамиз, Жаҳон кубогининг умумий мукофот жамғармаси 1 миллион 600 минг долларни ташкил этади. Ғолиб шахматчи 96 минг долларга эга бўлади. Вице-чемпион 64, ярим финалчилар 40, чорак финалга етиб келган гроссмейстерлар эса 28 минг долларга ўз ҳамёнларини бойитиб олишади.

Манба. olamsport.com