Россиялик Геннадий Падалки, қозоғистонлик Айдин Аимбетов ва даниялик астронавт Андреас Могенсендан иборат “Союз ТМА-16М” космик кемаси экипажи Қозоғистон пойтахтига етиб келди. Улар билан Қозоғистон президенти Нурсултан Назарбоев ҳамда республика раҳбарияти вакиллари учрашди.

Тантанали маросим экипаж капсула Қарағанда вилоятига муваффақиятли қўнганидан сўнг Россия ҲҲК вертолётида етиб келган Остона халқаро аэропортида бўлиб ўтди.

Аимбетов орбитага кўтарилган учинчи қозоғистонлик бўлди. У 2015 йилнинг 4 сентябрь куни “Союз ТМА-18М” коинот кемасида Халқаро космик станцияга етиб бориб, республика космик дастури доирасида бир қатор тадқиқотларни амалга оширди.

Унгача 1991 йил октябрда Тохтар Аубакиров ҳамда 1994, 1998 ва 2001 йилларда Мусабаев уч маротаба қоинотда турли тадқиқотларни олиб борган эди.