Кардиффнинг "Суонси" жамоаси АПЛнинг 5-турига келиб, "қоқилди". Жамоа мавсум стартини аъло даражада ўтказган, "Челси" ва "МЮ" каби гранд жамоалар билан ўйинда 4 очко олишга муваффақ бўлган, 5-тур арафасида 8 очкоси билан 4-ўринни эгаллаб турган эди.

5-турни уэльсликлар сафарда мавсум дебютанти "Уотфорд"га қарши ўтказишди ва 0:1 ҳисобида мағлуб бўлишди.
Ўйиндаги ягона гол Игало ҳисобига ёзилди.

Бу мағлубиятдан кейин "Суонси" ҳозирча олтинчи ўринга тушган. "Уотфорд" эса очколари сонини 6тага етказиб, 12 ўринга кўтарилган.

Уотфорд – Суонси 1:0
Гол: 1:0 – 59 Игало.
Огоҳлантиришлар: Ки Сон Ен (67), Капу (90).

5-турнинг яна бир учрашувида ҳисоб очилмади. "Саутгемптон" сафарда "Вест Бромвич" дарвозасига йўл топа олмади. Бу дурангдан кейин Роналд Куман шогирдлари 6 очко билан 11-ўринни банд этган. 13-ўриндаги "Вест Бромвич"да эса 5 очко тўпланган.

Вест Бромвич – Саутгемптон 0:0
Огоҳлантириш: Брант (79)

АПЛнинг 2 дебютанти иштирокидаги баҳсда "Норвич" "Борнмут"ни 3:1 ҳисобида мағлубиятга учратди. Бу ғалабадан кейин "Норвич" 7 очко билан 8-ўринга кўтарилди. "Борнмут" 4 очкоси билан 15-ўринда қолмоқда.

Норвич – Борнмут 3:1
Голлар: 1:0 – 35 Джером, 2:0 – 52 Хулахан, 3:0 – 67 Джарвис, 3:1 – 81 Кук.
Огоҳлантиришлар: Тетти (20), Фрэнсис (23), Смит (25), Хулахан (30), Ритчи (60).