Суриялик ҳарбийлар 300 жангарининг қуршовдан чиқиб кетиб, Дамашқ ташқарисидаги Забадоний шаҳридаги ҳамтовоқларига қўшилишга уринишини бартараф этди. Бу ҳақда РИА “Новости” ҳарбий манбага иқтибос келтирган ҳолда маълум қилди.

Манбанинг айтишича, жангарилар “Ал-Қоида”га яқин бўлган “Жибҳад Ан-Нусра” гуруҳига тегишли бўлишлари эҳтимоли мавжуд.
“Ҳарбийлар аввалдан ўрнатилган портловчи қурилмалар занжирини портлатишлари оқибатида ўнлаб жангарилар ҳалок бўлди”, деб таъкидламоқда манба.

Манба Сурия армияси қолган жангариларни таъқиб этиб, уларни ҳам яксон қилганини қўшимча қилиб ўтган.