Амстердам аэропортига қўнган самолёт шассисидан африкалик муҳожир мурдаси топилди

Жамият 13 Сентябрь 2015 3488

Амстердам шаҳридаги Схипхол аэропортига қўнган юк ташувчи самолётнинг шассисида одам жасади борлиги аниқланди. Рейтер нашрида ёзилишича, бу самолёт 12 сентябрь куни маҳаллий вақт билан 06:30да Африкадан учиб келганди.

СNN телеканалида айтилишича, бу жасад айни вақтда ўликхонага жўнатилган ва унинг шахсини ўрганишга ҳаракат қилинмоқда.

Тахмин қилинишича, у Европага шу йўл орқали етиб олишга ҳаракат қилган муҳожир.

Қайд этиш керакки, охирги 1 йил давомида Африканинг Нигерия, Камерун, Чад, Мали, Ливан, Тунис, Сомали, Уганда ва бошқа бир қатор мамлакатларида жангарилар фаоллашиши кучайди. Натижада бу мамлакатларда ўн минглаб қочқинлар шимолга қараб интилишмоқда.

БМТ ҳисоб-китобларига кўра Яқин шарқ ва Африкадан 2015 йилнинг бошидан буён 378 минг киши Европага кириб борган. Йил охиригача бу миқдор 1 млн нафарга етиши башорат қилинган.

Айни вақтда муҳожирларни асосан Германия қабул қилмоқда. Нисбата кичик давлат бўлмиш Нидерландияга эса 1500 нафар муҳожир қабул қилиниши кутилмоқда.

Кўпроқ янгиликлар