Вашингтонда АҚШ ва Хитой вакиллари киберхавфсизлик масалалари бўйича учрашув ўтказишди. Бу ҳақда Reuters ахборот агентлиги Оқ уйга иқтибос келтирган ҳолда хабар берди.
Хитой томонидан Хитой Коммунистик партияси марказий сиёсий-юридик комиссияси котиби Мэн Цзяньчжу иштирок этди. Цзяньчжу Вашингтонга Хитой раиси Си Цзиньпин ташрифи олдидан келди.
Цзяньчжу АҚШ ички хавфсизлик вазири Жей Жонсон, ФҚБ директори Жеймс Коми ва бошқа мансабдор шахслар билан учрашди.
“Мэн Цзяньчжу, шунингдек, АҚШ президентининг миллий хавфсизлик бўйича маслаҳатчиси Сюзан Райс билан учрашди. Учрашув давомида томонлар киберхавфсизлик масалалари бўйича фикр алмашишди”, деб айтилмоқда Оқ уй баёнотида.