Россиянинг Санкт-Петербург шаҳрида бокс бўйича ўсмирлар ўртасида ўтказилган жаҳон чемпионати якунланди.

Мазкур жаҳон чемпионатида 2та олтин, 2та кумуш ва 3та бронза медалига сазовор бўлган Ўзбекистон ўсмирлар терма жамоаси умумжамоа ҳисобида мезбонлардан кейин иккинчи ўринни эгаллади.

Ўзбекистон терма жамоаси ҳисобига олтин медалларни Билолбек Мирзараҳимов (-57 кг) ва Тимур Мержанов (-63 кг) келтиришди. Билолбек олтин медал учун кечган жангда АҚШ вакили Габриэл Флоресни 3:0 ҳисобида доғда қолдирган бўлса, Тимур Мержанов россиялик Осман Алиевни худди шу ҳисобда мағлуб этди.

Финалга қадар кечган жангларда зафар қучган Дилшодбек Рўзметов (-66 кг) ҳамда Қосимхон Қосимов (-75 кг) кумуш медаль совриндори бўлган. Халимбек Утегенов (-48 кг), Яҳёхон Саидхонов (-70 кг) ва Профсор Роримша (+80 кг) эса жаҳон чемпионатининг бронза медаллари билан тақдирланишди.