Британия Кенгаши раҳбари Тошкентда ҳамкорлик режаларини муҳокама қилди

Ўзбекистон 13 Сентябрь 2015 2145

7-8 сентябрь кунлари Тошкентга Британия Кенгаши раиси Сэр Вернон Жейм Эллис илк марта расмий ташриф буюрди. У бир қанча вазирликлар раҳбарлари, шунингдек, Британия Кенгаши лойиҳалари иштирокчилари ва ҳамкорлари билан учрашувлар ўтказди. Ўзбекистондаги Британия Кенгаши директори Марк Кросси унинг сафари якунлари тўғрисида «Газета.uz»га сўзлаб берди.

«Cэр Вернон Эллиснинг икки кунлик сафари таълим ва маданият соҳасидаги икки томонлама муносабатлар учун муҳим воқеадир. Бу 2010 йилдан бери Британия Кенгаши раиси бўлиб фаолият кўрсатаётган Сэр Верноннинг Ўзбекистонга илк сафаридир. Сафарнинг мақсади Британия Кенгаши фаолиятининг Ўзбекистондаги келгуси 20 йиллик режаларини аниқлаб олиш, шунингдек, бўлғуси ҳамкорликни мустаҳкамлаш учун бир қанча вазирлар билан учрашувлар ўтказиш эди», — дея таъкидлади Марк Кросси.

Унинг сўзларига кўра, Сэр Вернонга Тошкент ёқиб қолди. У Амалий санъат музейида Ўзбекистоннинг амалий санъати ва анъанавий мусиқасидан мутаассир бўлди. Британия Кенгаши раҳбари Раҳимовлар сулоласининг Тошкент кулолчилик мактабида сопол идиш тайёрлаш жараёнида иштирок этди.

«Жаноб Вернон вазирликлар раҳбарияти билан Буюк Британия ва Ўзбекистон ўртасида олий ва ўрта махсус таълим соҳасида ҳамкорлик истиқболлари тўғрисида келишиб олди. Яна Британия кенгашининг Ўзбекистонда санъат соҳасидаги янги дастури ҳамда инглиз тилини ўқитиш борасида ҳамкорлик дастурларини кўпайтириш бўйича ҳам келишувларга эришилди», — деди Марк Кросси.

Сэр Вернон сафари тўғрисида қуйидаги фикрни билдирди: «Ўзбекистондаги ҳамкорлик муносабатларимиз жуда яхши натижа бермоқда, ва биз инглиз тилини ўрганиш бўйича янги лойиҳаларни сабрсизлик билан кутяпмиз. Ушбу тил Буюк Британиянинг улкан бойлигидир ва у Ўзбекистон Президентининг 2012 йилда имзолаган чет тилларни ўрганиш тўғрисидаги фармонидан сўнг Ўзбекистоннинг устувор эҳтиёжларидан бирига айланди. Британия Кенгаши ушбу соҳада асосий ҳамкор ҳисобланиши табиий ҳолдир».

Британия кенгаши Буюк Британия билан бошқа мамлакатлар ўртасида таълим, маданият ва санъат соҳасидаги ҳамкорликни ривожлантириш билан шуғулланувчи халқаро ташкилотдир. У дунёнинг 110 та мамлакатида офисларга эга. Британия Кенгаши Ўзбекистонда 1996 йилдан бери фаолият юритиб келади. Ташкилот лойиҳалари таълим соҳасидаги миллий ислоҳотларни қўллаб-қувватлаш ҳамда инглиз тилини профессионал ривожлантириш ва ушбу тил кўникмаларини такомиллаштиришга қаратилган.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50177 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66175 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35463 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20298 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77119 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60819 Жамият
«ПСЖ» Ди Марияни «Барселона»га сотиш нархини маълум қилди
20:34 55 Спорт
103 ёшли комбожалик аёл АҚШ фуқаролигини қабул қилди
20:25 213 Жаҳон
Ҳабиб Нурмагомедов Мейвезер ва Макгрегор ўртасидаги жангга шарҳловчилик қилади
20:21 1620 Спорт
Чадда Қатар элчихонаси ёпилиши эълон қилинди
20:15 277 Жаҳон
Кўпроқ янгиликлар