Германия ташқи ишлар вазири Томас де Мезьернинг айтишича, Европага ёрдам сўраб келаётган қочқинлар бу ерда ўзлари учун қулай жойларни танлашга ҳақли эмас.

"Биз уларга ўзлари қаерни истаса, ўша ерга жойлашишларига йўл қўмаслигимиз керак", дейди у Der Tagesspiegel нашрига берган интервьюсида.

Унинг қайд этишича, қочқинлар аввалига бошқа мамлакатга, ёқмаса бошқа иккинчи мамлакатга кўчиб ўрнашишига йўл қўйилмаслиги керак.

ЕИ давлатларининг ташқи ишлар вазирлари 14 сентябрь куни 160 минг нафар муҳожирни қитъа бўйлаб тарқатиш масаласини ҳал қилиш учун Брюсселда учрашишади.

Қайд этиш керакки, Чехия аллақачон муҳожирларни квоталар бўйича тақсимлаб олиш бўйича таклифларга рози эмаслигини билдирган. Чехия бош вазири мамлакат фақатгина 1,5 минг нафар муҳожирни қабул қила олишини айтган, ЕИ томонидан таклиф этилган квотада эса Чехия учун 3 минг нафарга яқин муҳожир ажратилганди.

Бундан ташқари, Латвияда ҳам Брюссел томонидан таклиф қилинган бу ташаббус қўллаб-қувватланмади.