Минглаб калифорнияликлар АҚШнинг шимолий штатлари бўйлаб тарқалган ўрмон ёнғинлари туфайли ўз уйларини тарк этишга мажбур бўлишмоқда. Бу ҳақда маҳаллий ОАВлар хабар берган.

Ҳудудда давом этаётган шамоллар ва иссиқ ҳарорат ёнғиннинг кучайиши ҳамда кенгроқ тарқалишига сабаб бўлмоқда. Маълумотларга кўра, ёнғинга қарши кураш чоғида шу вақтгача 4 нафар ўт ўчирувчи шикастланган. Юзлаб уйлар олов домида қолган.

Хабар қилинишича, АҚШ ғарбида шу йили рўй берган ўрмон ёнғинларини бартараф қилиш ишлари учун сарфланган харажат миқдори 1,23 млрд доллардан ошиб кетди. Бу эса 2002 йилдаги рекорд натижага (1,65 млрд доллар) яқин қолганини кўрсатади.