14 сентябрь куни Қозоғистон Республикаси президенти Нурсултон Назарбоев Тожикистонга расмий сафар уюштиради. Бу ҳақда “Ховар” миллий ахборот агентлиги хабар берган.

Тожикистон президенти Эмомали Раҳмон ва Қозоғистон раҳбари Нурсултон Назарбоевнинг учрашуви давомида ҳамкорликка оид 6та янги ҳужжат имзоланиши кутилмоқда.

Энг муҳим ҳужжатлардан бу – Тожикистон ва Қозоғистон ўртасида стратегик ҳамкорликка оид ҳужжатдир. Яна 5 ҳужжат таълим, спорт, ахборотларни техник жиҳатдан ҳимоялаш, меҳнат миграцияси соҳаларига оид ва икки давлат ташқи ишлар вазирликлари ўртасидаги 2016-2017 йилларга мўлжалланган ҳамкорлик дастуридан иборат.

Таълим соҳасидаги ҳамкорлик натижасида, келгусида тожик талабалари тайёрлов курсларисиз Қозоғистондаги олий ўқув юртларининг биринчи курсига ўқишга киришлари мумкин бўлади.