Москва АҚШ бошчилигидаги “ИШИД”га қарши коалициянинг бошқа мақсадлари борлигидан гумон қилмоқда.

Россия ташқи ишлар вазири Сергей Лавров АҚШ “ИШИД” террорчилик гуруҳининг аниқ позицияларини билишини, бироқ уларга зарба бериш ҳақида буйруқ бермаётганини айтди.

“Бизнинг америкалик ҳамкорларимиз ўз коалицияларини ёки аввалдан ўйламасдан, ёки уни айтилган мақсадлардан бошқа мақсадларни кўзда тутган ҳолда яратганлар. Коалиция жуда бетартиб яратилган: деярли бир неча кун ичида унга бир қатор давлатлар киргани маълум қилиниб, қандайдир зарбалар бериш бошланган”, деб айтмоқда Лавров.

Лавровнинг айтишича, Москва АҚШ бошчилигидаги коалиция олдида бошқа вазифалар тургани ҳақида маълумотлар олмоқда.

“Бировга панд бериб қўймайман деб умид қиламан, коалицияга кирувчи давлатлардаги бизнинг баъзи ҳамкасбларимиз уларда “ИШИД”нинг у ёки бу бўлинмалари қайси жойда, қандай позицияларда бўлиши ҳақида аниқ маълумотлар бўлиши, бироқ коалицияга қўмондонлик қилаётган АҚШ зарбалар беришга розилик бермаётганини айтмоқдалар”, деб айтди Лавров.