Июнда Тбилисида юз берган вайронакор тошқиндан кейин жиддий зарар кўрган Тбилиси ҳайвонот боғи қисман тикланди ва ташриф учун қайта очилди, деб хабар бермоқда “Интерфакс” ахборот агентлиги. 

“Тошқин пайтида ҳайвонот боғидаги 277 ҳайвон нобуд бўлди, бу жуда катта рақам. Бу ҳалок бўлган ҳайвонлар энг қизиқарли ҳайвонлардан эди ва кўплаб одамларни ўзига жалб қиларди. Улар орасида оқ шерлар, маймунлар бўлган ва афсуски, уларнинг барчаси ва бошқа турлар ҳам ҳалок бўлди. Бироқ шунга қарамасдан бизда бошқа қизиқарли ҳайвонлар қолди, уларни яна кўрса бўлади. Булар оқ каркидон, леопардлар ва бошқа ҳайвонлар”, деб айтмоқда ҳайвонот боғи директори Зураб Гуриелидзе.

Маълум қилинишича, Грузия ҳукумати Тбилисида янги ҳайвонот боғи қуришга қарор қилди ва унинг майдони ҳозирникидан 9 марта каттароқ бўлади.

14 июнга ўтар кечаси Тбилисида юз берган тошқин оқибатида ҳайвонот боғининг пастки қисми тўлиқ вайрон бўлган, 600 та ҳайвондан ярмидан ками тирик қолган.
Тошқин оқибатида 19 киши ҳалок бўлган, 3 киши бердарак йўқолган эди.