Туркиянинг жануби-шарқидаги Сирноқ провинциясида назорат-ўтиш нуқтаси идорасида портлаш юз бериб, 2 нафар туркиялик полициячининг ўлимига ва яна 5 нафар полициячининг жароҳатланишига сабаб бўлди.

Маҳаллий полициянинг хабар беришича, ушбу теракт Курдистон ишчилар партияси ташкилоти аъзолари томонидан амалга оширилди.

Ҳужум қилган гуруҳнинг икки вакили ҳам вертолёт орқали таъқиб этиш жараёнида йўқ қилинган. Омон қолган жангарилар тоғли ҳудудга яширинишган.

Эслатиб ўтамиз, 2 йил олдин Туркия ҳукумати курдлар билан сулҳ тузганди. Лекин шу йилнинг июль ойида бу сулҳ бузилди ва ўтган вақт ичида мамлакат ҳудудида ўнлаб терактлар содир этилиб, 100 нафардан ортиқ туркиялик полициячилар ва ҳарбийлар ҳалок бўлди.