Эрон ядровий дастури бўйича Эрон билан келишувга эришиш Теҳрон томонидан Исроилнинг тан олиниши учун имконият очади, деб ҳисобламоқда Германия канцлери Ангела Меркель, Франция президенти Франсуа Олланд ва Буюк Британия бош вазири  Дэвид Кэмерон.

“Бу муҳим лаҳзадир. Ҳозирги дунёдаги ноаниқлик шароитида нималарга дипломатик йўл билан эришиш мумкинлигини намойиш қилиш имконияти пайдо бўлди”, дейилмоқда Европа етакчиларининг The Washington Post нашрида чоп этилган қўшма мақоласида.

Улар Эрон томонидан Исроил давлатининг тан олинмаслигини “номақбул” деб ҳисобламоқдалар ва Теҳрон позициясини танқид қилмоқдалар.

Германия, Франция ва Буюк Британия етакчиларининг фикрича, Эрон билан катта келишмовчиликларга қарамасдан, “ИШИД” террорчилик гуруҳидан солинаётган террорчилик хавфига қарши кураш каби умумий қизиқишлар ҳам бор.