Германия ички ишлар вазири Томас де Мезьер Германия мамлакатга келаётган қочқинлар сонини камайтириш мақсадида Австрия билан чегарасида вақтинчалик назорат амалга ошираётганини маълум қилди, деб хабар бермоқда Reuters ахборот агентлиги.

“Айни пайтда Германия Европа Иттифоқи давлатлари билан ички чегараларида вақтинчалик яна чегара назоратини амалга оширишни бошлади. Биринчи навбатда назорат Австрия билан олиб борилади”, деб айтди вазир.

Мезьер “бундан мақсад Германияга келаётган қочқинлар оқимини чеклаш ва мамлакатга одамлар киришининг тартиблашган тартибига қайтишдан иборатлигини” ҳамда бу шунингдек хавфсизлик нуқтаи назаридан ҳам амалга оширилаётганини таъкидлаб ўтди.

Аввалроқ Германия ҳукумати ташаббуси доирасида Австрия билан темир йўл алоқаси муҳожирлар оқими туфайли вақтинчалик тўхтатиб қўйилган эди.