Эгей денгизида Грециянинг Фармакониси ороли яқинида қочқинлар кетаётган қайиқнинг фалокатга учраши оқибатида камида 34 киши ҳалок бўлди, деб хабар бермоқда Arab News нашри.

Дастлабки маълумотларга кўра, қайиқ ёмон об-ҳаво шароити ва бортида ҳаддан зиёд кўп одам бўлгани туфайли тўнтарилиб кетган. Ҳанузгача қайиқда қанча одам бўлгани ҳақида аниқ маълумотлар йўқ, шунинг учун қутқарув-қидирув операцияси давом этмоқда.

Ҳозирда қутқарувчилар 34 киши, жумладан 15 нафар бола, хусусан 4 нафар гўдакнинг жасадларини топганлар.

68 кишининг ҳаёти сақлаб қолинган, яна 29 киши ўзи мустақил равишда қирғоққа чиқиб олишга муваффақ бўлган.