Кишинёвда оммавий норозилик намойишлари иштирокчилари Молдованинг ҳар бир туманида намойишлар ўтказишни режалаштириш ниятидалар, деб айтди 13 декабрь куни намойишлар ташкилотчиларидан бири, биринчи Молдова парламентининг собиқ депутати Валентин Долганюк.  

“Агар ҳукумат бизни бу ерда, мамлакатнинг марказий майдонида эшитмаса, биз шундай қиламизки, намойишлар алангаси бутун мамлакатни қамраб олади. Раҳбарларнинг оёғи тагидаги ер ёна бошлайди, улар халқнинг ғазабини келтириш нималигини ҳис қиладилар. Ҳозирча улар ўзларининг иссиқ хоналарида ўтирибдилар, бироқ яқинда қочишга тушадилар, чунки ҳеч ким билан ҳеч қаерга бориб учраша олмайдилар”, деб айтмоқда Долганюк.  

Долганюк намойишдан кейин “Интерфакс” ахборот агентлиги мухбири билан суҳбатда Буюк миллий йиғилиш кенгаши аъзолари муддатдан аввалги парламент сайловларида иштирок этиш учун ижтимоий-сиёсий ҳаракатни яратишга тайёргарлик кўришни бошлашларини тасдиқлади.

“Биз муддатдан аввалги сайловларни талаб қилмоқдамиз ва унга албатта эришамиз. Шунинг учун биз сайловларга тайёр бўлишимиз керак. Бу “DA” фуқаролик платформаси тарқатиб юборилади деганини англатмайди. У ҳукумат тепасида ким, муҳолифатда ким бўлишидан қатъий назар фуқаролик жамияти ҳукуматга босим ўтказиши ва уни назорат қилиши учун келгусида ҳам мавжуд бўлади”, деб таъкидламоқда Долганюк.