Мадинадаги зиёратчилар кўрсатилаётган хизматлардан мамнунлигини баён қилишди

Ўзбекистон 14 Сентябрь 2015 2430

Шу йил 3 сентябрь куни Тошкент халқаро аэропортидан муборак диёрга – Пайғамбаримиз (алай ҳис-салом) юртларига ҳожиларнинг илк карвони жўнаб кетган эди.

Ўзбекистон мусулмонлари идораси расмий веб порталида Мадинаи мунавварадаги зиёратчиларимизнинг бир гуруҳи билан суҳбат эълон қилинди. Улар сафар таассуротлари, муборак заминдаги қулай шарт-шароитлар ҳақида сўзлаб беришди.
Ташаккур айтамиз
– Алҳамдулиллаҳ, Мадинаи мунавварадаги муборак амалларни қулай шароитларда бажардик. Дуоларимизда юртимиз тинчлиги, халқимиз фаровонлиги, фарзандларимиз бахт-саодати, соғ-саломатлигини сўрадик. Шароитларимиз барча ҳавас қилгулик даражада бўлди. Бизга хизмат кўрсатганларга ташаккур айтамиз. Илоҳи, ҳожиларимиз сони бундан-да кўпайсин, динимизнинг асосий арконларидан бўлган ҳаж амалини адо этиш барчага насиб этсин!

Тошкент вилояти 1-гуруҳи ҳожилари А.Маҳкамов, А.Қурбонов, Т.Нурматов, А.Қунишев, Э.Шомирзаев.

Намунали хизмат
– Аллоҳга беадад шукр, риз қимиз қўшилган экан, мана ҳаж ибодатини адо этиш учун Саудия Арабистонига келдик. Мутасадди раҳбарлардан, ишчи гуруҳи ва элликбошилардан миннатдормиз. Ҳар бир зиёратчи эътиборда, мунтазам холимиздан хабар олиб турилибди. Шифокорлар мурожаатимизни мамнуният билан адо қилишмоқда. Ошпазларимиз тайёрлаган миллий таомларимиз, ўзимизни ҳудди юртдагидек ҳис қилишимизга омил бўлмоқда. Хуллас, бизга жуда намунали хизмат кўрсатилмоқда.
Сурхондарё вилояти зиёратчилари Хамидов Қудрат, Саидов Хуррам, Эшқобилов Исоқ, Усмонов Иброҳим, Пардаев Нурмамат ва бошқалар.

Улуғ замин завқи
– Аёлим билан бирга ҳаж ибодатини адо этиш учун келдик, яхши таассуротлар олиб, кўнглимиз нурга тўлмоқда. Динимизнинг бешиги бўлган Мадина шаҳарларидаги тарихий жойларга зиёратга чиқдик. Айниқса, Масжиди Набавийда намозларимизни адо этмоқдамиз. Набий алайҳиссаломнинг ушбу масжидда ўқилган бир ракаат намоз минг ракаатга тенг, деган ҳадисларини эшитиб ибодатларимизни янада кўпайтирдик. Шунингдек, Пайғамбаримиз соллаллоҳу алайҳи васалламга салом бердик ва қавму қариндошлар, яқинлар томонидан Расулуллоҳга салом айтиш омонат қилиб топширилган эди, уни етказдик.
Мана шундай муборак масканларни зиёрат қилиш бахтига муяссар бўлганимиз учун Яратганга шукроналар айтмоқдамиз.

Қашқадарё вилояти 1-гуруҳ зиёратчиcи Қаюмов Суюн
Комилжон Бурҳонов ёзиб олди,
Мадина шаҳри

Манба. muslim.uz

 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 90155 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 44906 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 50538 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8875 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19719 Ўзбекистон
Шимолий Корея АҚШга беражак зарбаларини бир қатор сиёсий плакатларда тасвирлади
23:20 0 Жаҳон
Конте «Челси»га нима етишмаётгани ҳақида гапирди
22:59 510 Спорт
Шаҳзода Уильямнинг никоҳ тўйидаги тортнинг бир бўлаги сотувга қўйилди
22:52 840 Жамият
Видео: Дэвид Бекҳэм Pro Evolution Soccer 2018’да
22:47 599 Спорт
АҚШ ва Жанубий Корея август охирида ҳарбий машғулотлар ўктазади
22:35 451 Жаҳон
Кўпроқ янгиликлар