Қозоғистон президенти Нурсултон Назарбоевнинг матбуот котиби Даврон Абаев президентнинг қизи, жамоат арбоби Дариға Назарбоеванинг бош вазир ўринбосари лавозимига тайинланишига изоҳ берди.

Эслатиб ўтамиз, ўтган ҳафта жума куни Назарбоев катта қизини ушбу лавозимга тайинлади.
“Давлат раҳбари кадр ўзгартиришлари масалалари устида диққат билан ўйлайди. Бундай қарорларнинг ҳар бирининг ортида фаолият таҳлили ва номзодлар ишининг натижалари туради. Нурсултон Абишевич кўплаб омилларни эътиборга олади”, - Абаевнинг сўзларини келтиради “Новости-Казахстан” агентлиги.

Унинг таъкидлашича, Дариға Назарбоева мажлис қошидаги ижтимоий-маданий ривожланиш қўмитаси раиси ва палата спикери ўринбосари лавозимларида ўзинини самарадор парламентарий сифатида кўрсата олган.
“Дариға Нурсултонова ижтимоий соҳани жуда яхши билади, у ўзини самарадор парламентарий сифатида кўрсата олди ва бугун миллат режаси – 100 қадамнинг айрим йўналишларини мувофиқлаштириб бормоқда.

Унинг тайинланиши меритократик принципларга жавоб беради деб ҳисоблайман”, - қўшимча қилда матбуот котиби.