Россия президенти Владимир Путин душанба куни Тожикистон пойтахти Душанбега йўл олади. Ўзининг икки кунлик сафари чоғида у Коллектив хавфсизлик шартномаси ташкилоти саммитида иштирок этади, шунингдек, тожикистонлик ҳамкасби Эмомали Раҳмон билан учрашув ўтказади.

Айтилишича, учрашув чоғида биринчи даражали эътибор террорчилик ва экстремизм хавфига қарши кураш масалаларига бағишланади.

Россия президенти ёрдамчиси Юрий Ушаковнинг маълум қилишича, душанба куни кечки пайт Тожикистон пойтахтида КХШТга аъзо давлатлар раҳбарларининг норасмий тушлиги ўтказилади, саммитнинг асосий дастури эса сешанба куни бўлиб ўтади.