Ўтган якшанба куни Душанбеда Ислом уйғониши партияси етакчиси Муҳиддин Кабирийга ва унинг яқинларига тегишли объектларда тинтув ўтказилди. Бу ҳақда партия вакиллари хабар бермоқда.

Айтилишича, тинтув ўтказган комиссия таркибига бош прокуратура ва коррупцияга қарши кураш агентлиги ходимлари кирган. Мол-мулкидан жудо қилинган одамлар бу борада тайинли тушунтириш ололмаган.
Тинтув ўтказилган объектлар орасида қурилиш компанияси, салфетка ишлаб чиқарувчи цех, “Диалог” маркази офиси бор. Тинтув жараёнида оператив съёмка жараёнлари амалга оширилган.

Тинтув ўтказилгач, барча объектлар муҳрланган.
Эслатиб ўтамиз, Ислом уйғониши партияси охирги бир ой давомида Тожикистон ҳукумати томонидан қаттиқ босим остига олиниб, охир-оқибат унинг фаолияти ман қилинди.