2015 йилнинг 16 сентябрь куни “Ўзэкспомарказ”да бирйўла иккита халқаро саноат кўргазмаси бўлиб ўтади: Uzenergyexpo-2015 ва Uzstroyexpo-2015.
Кўргазмаларни ташкил этишда расмий кўмак “Ўзбекэнерго” ДАК, Тошкент шаҳар ҳокимияти, Савдо-саноат палатаси, “Ўзқурилишмоллари” АК, “Ўзмахсусмонтажкурилиш” АК, Ўзбекистон Фанлар Академияси энергетика ва автоматика институти, “Ўзкоммунхизмат” агентлиги томонидан кўрсатилмоқда.

Жорий йилда бирлашган экспозицияда Беларусь, Германия, Италия, Эрон, Хитой, Россия, Туркия, Украина, Жанубий Кореядан ташриф буюрадиган 60 компания вакиллари иштирок этади.
UzEnergyExpo Ўзбекистонда электротехник соҳадаги тадбирлар ичида ҳар йили энг етакчи ўринлардан бирини эгаллайди. У меҳмонлар диққатига замонавий электротехник жиҳозлар ва инновацион лойиҳаларни тақдим этади.

UzStroyExpo кўргазмаси эса асосан қурилиш соҳасига урғу беради ва тегишли компанияларнинг маҳсулотларини тақдим этади.