Россиялик таниқли спорт шарҳловчиси Василий Уткин «Матч ТВ» телеканалида ишлаши ҳақида маълум қилди.

"Мен ўз касбимни ташламасликка қарор қилдим. «Матч ТВ» телеканалида ишлайман, лекин бу ерда ҳеч қандай лавозимда бўлмайман.
Ўзим учун ишлайман, ўзимга юклатилган вазифанигина бажараман. Александр Вронский мени ўзи билан ишлашга кўндирди ва биз "беш ташашдик". Мен энди яна шарҳловчиман", деб ёзади Уткин сайтидаги блогида.

Бундан олдинроқ, НТВ Плюс Футбол телеканалида бўлим муҳаррири бўлиб ишлаган Уткин, бу телеканал ўрнида ташкил этилаётган «Матч ТВ» телеканали бош продюсери Тина Канделаки билан муроса қила олмаётгани туфайли, ишни тарк этиб, пенсияга чиқишини айтганди.

Ундан олдинроқ, Василий Уткин “Матч ТВ” телеканалининг бош продюсери этиб тайинланган Тина Канделаки раҳбарлигида ишлаш шармандали деб ҳисоблашини маълум қилганди.

Янги «Матч ТВ» телеканали фаолияти шу йилнинг 1 ноябрида йўлга қўйилади.