Голливудлик машҳур актёр Арнольд Шварценеггер АҚШда намойиш қилинадиган “Ўқувчи” телешоусида миллиардер Дональд Трампнинг ўрнига бошловчилик қилади, деб хабар бермоқда Reuters ахборот агентлиги. 

Трамп АҚШ президенти лавозимига номзод бўлгани туфайли кўрсатувни тарк этаётган иштирокчини танлашда “Сиз бўшатилдингиз” деган сўзларни айтиши билан машҳур бўлган шоуда суратга туша олмаслигини маълум қилди.

Шварценеггер шоунинг 2016/17 йиллардаги мавсумини олиб боради. Шоу эфирга узатиладиган NBC телеканалида Шварценеггер кўрсатувга “янги қараш” олиб келиши таъкидлаб ўтилди. Шоуда турли машҳур инсонлар биргаликда турли бизнес-вазифаларни бажариб, хайрия учун пул тўплайдилар.

Жангари фильмлар юлдузининг таъкидлашича, у “Ўқувчи” кўрсатуви ва “шоуда бизнес ва жамоавий ишдаги синовлар ва ютуқлар қай тарзда кўрсатилишининг” катта мухлиси ҳисобланади.