Австралиялик боксчи Дэвид Браун-Кичкина филиппинлик Карло Магали билан жанг вақтида олган оғир жароҳатлари туфайли оламдан ўтди. Бу ҳақда Sky News Australia хабар берган.

Ушбу спортчилар ўртасидаги жанг 11 сентябрь куни Халқаро бокс федерацияси (IBF) ҳудудий чемпионлиги учун ўтказилди.

Австралиянинг Инглберн шаҳрида ўтказилган бу жангнинг 12-раундида Филиппин вакили нокаут эвазига ғалаба қозонгани эълон қилинган.

Жанг якунланиши биланоқ, 28 ёшли Браун шифохонага олиб кетилган. Унга мияга қон қуйилиши ташхиси қўйилган, шифокорлар унинг ҳаётини сақлаб қолиш учун барча чораларни кўришларига қарамасдан, у 3 кун ўтиб вафот этди.

Профессионал боксда Браун 25та жанг ўтказиб, ундан 22тасида ғалаба қозонган. Унинг фаолиятида 2та мағлубият ва бир дуранг қайд этилган.