BMW компанияси Франкфуртдаги автосалонда M6 GT3 купесининг пойга версиясини тақдим этди. Айтилишича, кейинги мавсумдан бу икки эшикли машина GT3 пойгаларида Z4 моделининг ўрнини олади.

Пойга купесининг массаси 1300 кг дан ошмайди, бу эса автомобилнинг стандарт версиясидан 625 кг га енгилроқдир. У 4.4 л ли V8твин-турбо агрегатида ишлайди.
Двигатель турли қувват вариантларида ўрнатиб берилиши мумкин. Моторнинг максимал қуввати 585 от кучига тенг бўлиб, 6 босқичли секвентал трансмиссия билан уйғунликда ишлайди.

Купе нархи 379 минг еврога тенг. Компания унинг учун олдиндан буюртмалар қабул қила бошлаган.