Facebook компанияси Германия Адлия вазирлиги билан ҳамкорликда ижтимоий тармоқда ксенофобия (хорижлик ва нотаниш кишилардан қўрқиш) ва ирқчилик кайфиятига қарши кураш олиб боради, дея хабар берди Wall Street Journal.

Яқин Шарқ ва Шимолий Африкадан муҳожирларнинг оммавий равишда Германияга кўчиб келаётгани натижасида Facebook ижтимоий тармоғи ксенофобия ва ирқчилик кайфиятидаги изоҳлар тўлиб-тошди. Шунингдек, кўплаб фойдаланувчилар Германиянинг мамлакат ҳудудига чет элликларнинг эркин кириб келиши борасидаги сиёсатини муҳокама қилишмоқда. Шу муносабат билан Адлия вазири Хайко Маас Facebook вакиллари билан қонунга зид изоҳларни аниқлаб, уларни ўчириш билан шуғулланувчи гуруҳ ташкил этиш тўғрисидаги келишиб олди.

Шунингдек, Facebook қочқинлар манзилига қаратилган нохуш изоҳларни ўчириш жараёнини тезлатиш мақсадида қонунга зид контентларга билдирилган шикоятлар ҳақидаги ахборотларни йиғувчи ташкилотларни молиявий қўллаб-қувватлайди.