Испаниянинг «Реал» клуби Forbes журнали талқинига кўра, дунёнинг энг бой жамоаси унвонини Америка Миллий футбол лигасининг (NFL) «Даллас Ковбойс» жамоасига бой бериб қўйди. Бу ҳақда нашрнинг расмий сайтида маълум қилинган.

Forbes «Даллас Ковбойс» жамоасини 4 млрд долларга баҳолаган. Мадриднинг «Реал» клуби эса бу рейтингда иккинчи ўринда бормоқда. Жамоанинг нархи 3,26 млрд доллар.

Учинчи ўринни НФЛнинг яна бир вакили «Нью Энгланд Патриотс» клуби эгаллаб турибди. Тўртинчи ўринда «Нью Йорк Янкилари» бейсбол клуби бормоқда. Бу иккала клуб журнал томонидан 3,2 млрд. долларга баҳоланган. Бешинчи ўринда қайд этилган Испаниянинг бошқа бир футбол жамоаси «Барселона»нинг қиймати эса 3,16 млрд долларни ташкил этган.