Infiniti компанияси ўз тарихидаги гольф-классга оид биринчи хэтчбекни тақдим этди. Q30 моделининг оммавий дебюти Франкфуртдаги моторшоуда ўтказилади.
Машина Infiniti ва Mercedes-Benz компанияларининг қўшма лойиҳасидир.

Q30 MFA платформасида қурилган бўлиб, у Mercedes-Benz A-Class, CLA ва GLA’да қўлланади. Компания вакилларининг маълум қилишича, модель ишланмалари Японияда бошланиб, сўнг Европага кўчган. Лойиҳа устида Infiniti’нинг 750 муҳандиси ишлаган.
Машинанинг Premium ва Sport модификациялари бўлади, улар ташқи кўриниши ва техник кўрсаткичлари бўйича фарқланади. Жумладан, спорт варианти агрессив дизайнга эга бўлади.

Q30 войдут двигателлари таркибига бензинли 120 ва 154 от кучига эга 1.6 л ли агрегатлар, 208 кучли 4 цилиндрли 2.0 л ли мотор, 107 ва 168 от кучига эга 1.5 ва 2.2 л ли дизеллар киради. Двигателлар 6 диапазонли механик ўтказмалар қутуиси ва 7 диапазонли “робот” билан уйғунликда ишлайди.

Infiniti Q30 марканинг Европада териладиган биринчи машинаси бўлади. У Буюк Британиянинг Сандерленд шаҳридаги заводда йиғилади. Завод модернизациясига 250 млн фунт стерлинг ажратилди. Машина сотувлари шу йилданоқ бошланади.