"ПСЖ" бош мураббийи Лоран Блан Чемпионлар лигаси доирасида "Мальмё"га қарши кечадиган ўйин олдидан ўз жамоасини бошқа кучли клублар қаторига қўшди ва ЕЧЛда ғолиб чиқишни мақсад қилганини билдирди.

"Биз учун ғалаба қозониш жуда муҳим. Биз ҳам бошқа гранд клублар қатори ЕЧЛда ғолиб чиқишни истаймиз.

Ҳаммаси эртага бўладиган ўйиндан бошланади. "А" гуруҳида икки етакчи бор - "ПСЖ" ва "Реал". Аммо гуруҳдан чиқиш учун ҳар бир ўйинда катта куч сарфлашга тўғри келади.

"Мальме"нинг ҳам ўз олдига қўйган мақсад ва вазифалари бор. Мен аввал ҳам шведларнинг кўплаб ўйинларини кузатганман, айниқса "Селтик"ка қарши ўйинларда. Улар жисмоний жиҳатдан кучли бўлишади ва таслим бўлиш ҳақида ўйлашмайди - дейди Блан.

У ушбу ўйинда ўз жамоасидаги бошқа бир швед футболчиси Златан Иброҳимовичнинг майдонга тушиши масаласига ойдинлик киритмаган.