АҚШдаги Миссисипи штатидаги университетда ҳамкасбларининг ўлимида алоқадорликда гумон қилинаётган география ўқитувчиси Шэннон Ламб, полиция маълумотига кўра, ўз жонига қасд қилди, дея хабар бермоқда Associated Press.

Тергов ишини олиб бораётган полиция Ламбни Гринвилл шаҳрида эканини аниқлади. Қайд этилишича, полициячиларни кўрган гумондор машинасидан тушиб, қоча бошлаган. Шундан сўнг ҳуқуқни муҳофаза қилиш органи ходимлари ўқ овозини эшитишган. Полициячилар томонидан яқин атрофдаги шифохонага етказилган Ламб олган тан жароҳати туфайли ўша ерда вафот этган.

45 ёшли Ламб ўзи билан бирга яшаган 41 ёшли Эми Прентисснинг ўлимида гумон қилинмоқда. Кўплаб тан жароҳати етказилган Прентисснинг жасади Кливленддан 500 км узоқликдаги Готьер шаҳридаги уйидан топилган эди.

Полиция тахминига кўра, Ламба мазкур жиноятни содир этганидан сўнг Delta State университетига бориб, мазкур олийгоҳнинг тарих фани профессори Итан Шмидтни ҳам отиб ўлдирган.