Грециянинг собиқ молия вазири Янис Варуфакис иқтисодий зоҳидликни “бўлмағур нарса” деб атади. Таъкидлашича, бу ҳақда унга АҚШ президенти Барак Обама айтган.

Греция молия идорасининг собиқ раҳбари 5 сентябрь куни Лондонга ташриф буюриб, “Келажагимиз учун кураш: Қаттиққўл иқтисодиёт, гуманитар фожиа ва бозорлар қулашининг муқобили” номли жамоат муҳокамаларида маърузалар билан иштирок этди.

“Менда янгилик бор, зоҳидлик бўлмағур нарсадир. Бу ҳақда менга Оқ Уйдалигимда Барак Обама айтиб берган эди. Бу унчалик президентчасига эшитилмайди, лекин бу ҳақиқат”, - унинг сўзларини келтиради Business Insider.