14 сентябрь куни Ўзбекистон республикаси ташқи иқтисодий алоқалар, инвестициялар ва савдо вазирлигида Эрон Ислом республикасининг Ўзбекистондаги фавқулодда ва мухтор элчиси Али Мардоний Фард билан учрашув бўлиб ўтди. Бу ҳақда вазирлик матбуот хизмати хабар тарқатган.

Учрашув чоғида савдо, транспорт ва транзит соҳасидаги ҳамкорлик масалалари муҳокама қилинди ва келгусидаги режалар кўриб чиқилди.

Шунингдек, томонлар шу йилнинг 4 июнида ўтказилган Ўзбекистон–Эрон ҳукуматлараро комиссиясининг навбатдаги 11-мажлисида амалга оширилган келишувларнинг ҳаётга татбиқи ва қўлга киритилган натижалар билан танишишди.